Родная мова… Матчына мова… Так ласкава і шаноўна называем мы сваю беларускую мову. Родная мова – гэта характар народа, яго памяць, гісторыя, яго розум і вопыт. Мова – наша спадчына, якую мы атрымліваем ад бацькоў і павінны перадаць наступным пакаленням.
Працэс авалодання мовай – гэта не толькi перадача ведаў, уменняў, навыкаў, а перш за ўсё выхаванне. Выхаванне душы.
З 19 па 23 верасня 2022 года ва ўстанове адукацыі праводзіцца Тыдзень роднай мовы “Як ты дорага мне, мая родная мова!” У рамках Тыдня арганізавана шэраг разнастайных і цікавых мерапрыемстваў для вучняў усіх класаў.
Павысіць камунiкатыўную кампетэнтнасць па пытаннях валодання беларускай мовай, сфармiраваць каштоўнасныя адносiны да яе, жаданне размаўляць на роднай мове, развiваць цiкавасць да нацыянальнай культуры, актывiзаваць i ўзбагаціць слоўнiк - галоўныя задачы мерапрыемстваў. Яны накіраваны на выхаванне паважлівых адносін да беларускай мовы і культуры, фарміраванне любові да сваёй Радзімы, выхаванне грамадзянскасці і патрыятызму.
Вынiк мерапрыемстваў - добры настрой i вялікі зарад станоўчых эмоцый і ўражанняў.
Любіце, шануйце, паважайце родную мову, размаўляйце на ёй часцей!
Са святам роднай мовы, сябры!